КРСУнун доценти Эдир Суровдун доклады Сеулдагы эл аралык конференцияда эң мыкты деп табылды
Түштүк Кореянын борборунда X юбилейлик эл аралык конференция өттү «The Liver Week – 2023». Аны Кореянын Боорду изилдөө ассоциациясы (KLCA), Кореянын гепатобилиардык жана уйку безинин хирургиясы ассоциациясы (KAHBPS) жана Кореянын Боорду трансплантациялоо коому (KLTS) уюштурган.
Ага 30 өлкөдөн (АКШ, Кытай, Италия, Япония, Сингапур, Канада, Кыргызстан ж.б.) 1093 адис катышты. Биздин республикадан Сеулга Кыргыз-Россия Славян университетинин кызматкерлеринен турган делегация барды, атап айтканда: госпиталдык хирургия кафедрасынын башчысы, профессор Бахадыр Бебезов, доцент Эдир Суров, кафедранын улук окутуучулары Эрлан Мурзалиев жана Резуан Маршанкулов. Алардын мындай өкүлчүлүктүү конференцияга катышуусу жана сүйлөгөн сөзү көз жаздымда калган жок.
Докладдары үчүн жогоруда аталган кызматкерлердин ар бири илимий ишмердүүлүктү андан ары өнүктүрүү үчүн 1 миллион 000 миң түштүк кореялык вон өлчөмүндө акчалай сыйлык алышты. Е.Суровдун боор альвеококкозу боюнча доклады кореялык профессорлордун жана башка катышуучулардын зор кызыгуусун туудурду жана бул темада коп суроолор берилди. Кызуу талкуудан кийин бул отчет эң мыкты деп табылды.
Конференциянын жүрүшүндө биздин кызматкерлер алдыңкы университеттердин (SNUH, SKKU) изилдөөчүлөрү менен илимий байланыштарды түзүүгө жетишти.
