ЕӨБ, МЖӨ борбору жана КРСУ кызматташуу келишимине кол коюшту
Евразия өнүктүрүү банкы (ЕӨБ) Кыргыз Республикасынын Президентине караштуу Улуттук инвестициялык агенттиктин алдындагы Мамлекеттик-жеке өнөктөштүк борбору жана Кыргыз-Россия Славян университети (КРСУ) менен биргеликте Кыргыз Республикасында МЖӨ институционалдык чөйрөсүн өнүктүрүү боюнча долбоорду ишке ашырууга киришти. Долбоор ЕӨБ Техникалык жардам Фондунун каржылык колдоосу менен ишке ашырылууда.
Иш-чаранын жүрүшүндө тараптар кызматташуу келишимине кол коюшту. КРСУ тараптан документке ректордун милдетин аткаруучу Сергей Волков кол койду.
Долбоор МЖӨ чөйрөсүндө мамлекеттик сектордун потенциалын жогорулатууга жана квалификациялуу адистердин жетишсиздигин кыскартууга багытталган, бул Кыргызстанда МЖӨ долбоорлорунун өсүп жаткан пайплайнынын шартында өзгөчө маанилүү.
МЖӨ борбору МЖӨ окутуу программасын ишке киргизет, ал төмөнкүлөрдү камтыйт:
– «МЖӨ» негизги курсу;
– «Өркүндөтүлгөн МЖӨ программасы;
– «Жеке МЖӨ демилгелери мектеби».
Ыйгарым укуктуу мамлекеттик жана жергиликтүү бийлик органдарынын, ошондой эле жеке (инвестициялык) компаниялардын 200гө жакын өкүлдөрүнүн катышуусу күтүлүүдө.
КРСУ эл аралык стандарттарга жооп берген жана МЖӨ долбоорлорун каржылоонун практикалык тажрыйбасына негизделген «Мамлекеттик-жеке өнөктөштүк» окуу дисциплинасын киргизүүнү пландаштырууда. Ошондой эле Кыргызстанда МЖӨ практикасын изилдөөгө жана кеңейтүүгө кызыкдар болгон КРСУ студенттерин колдоо үчүн МЖӨ боюнча ЕӨБ стипендиялык программасы каралган.
Кошумчалай кетсек, «Кыргыз Республикасында МЖӨ өнүктүрүү боюнча өлкөнүн баяндамасы » даярдалат.
Долбоорду ишке ашыруу институционалдык чөйрөнү өнүктүрүүнү жана адистерди даярдоону камсыз кылат, бул мамлекеттик-жеке өнөктөштүк чөйрөсүндөгү долбоорлорду натыйжалуу ишке ашыруу үчүн өтө маанилүү.
Кыргызстандагы долбоор ЕӨБнын Армения Республикасындагы ийгиликтүү тажрыйбасынын масштабын билдирет, мында ушундай эле демилге орус-армян славян университети менен өнөктөштүктө ишке ашырылууда.
