КРСУнун гуманитардык факультети бүтүрүү кечесин белгиледи: 141 диплом жана миңдеген эмоциялар
Кыргыз-Орус Славян университетинде кайрадан кол чабуулар, жылуу сөздөр жана коштошуу сөздөрү угулду — Гуманитардык факультет бүтүрүү кечесин белгиледи. Майрам студенттердин турмушундагы маанилуу этаптын жаркыраган аякташы жана алма-матер менен сыймыктануунун дагы бир себеби болуп калды.
Быйыл 141 бүтүрүүчү диплом алды, анын ичинде — 11 отличник артыкчылык дипломдору менен сыйланышты. Бул жетишкендиктер көп жылдык эмгектин натыйжасы гана болбостон, факультеттеги жогорку сапаттагы билим берүүнүн символу болуп калды.
Диплом тапшыруу аземин КРСУнун жаштар жана маалымат саясаты боюнча проректору Станислав Куликов жана гуманитардык факультеттин деканынын милдетин аткаруучу Наргиз Баудинова өткөрүштү. Алар өз сөзүндө бүтүрүүчүлөргө билимге болгон сүйүүсүн сактап, ишеним менен алдыга жылып, университет менен байланышын үзбөөнү каалашты.
Майрам шыктануу жана чын ыкластуулуктун кырдаалында етту. Кеченин программасында студенттердин чыгармачылык оюн-зооктору, музыкалык жана театралдык көрсөтүүлөр, мугалимдерге, ата-энелерге жана университеттин бүткүл жамаатына ыраазычылык сөздөрү камтылган.
— Бүгүн сиз студенттик жашооңуз менен коштошуп жатасыз, бирок алдыда жаңы бийиктиктер, жаркын окуялар жана чоң жеңиштер турат. Окуу жылдарында үйрөнгөнүңүздүн баары ийгиликтүү келечек үчүн бекем негиз болуп калсын, — майрамдын аягында сахнадан угулду.
КРСУ өзүнүн ар бир бүтүрүүчүсү менен сыймыктанат жана алардын кесиптик жолу маанилүү ачылыштар, жеке жетишкендиктер жана коомдун өнүгүшүнө кошкон салымы менен белгиленет деп ишенет.
