Ысык-Көлдүн жээгинде IV орус-кыргыз медиа форуму ачылды!
Быйыл форумга кайрадан студенттик маалымат каражаттарынын, ЖОЖдордун басма сөз кызматтарынын жана Россия менен Кыргызстандын жаштар редакцияларынын өкүлдөрү чогулду. Алдыда — бир нече күндүк кесипкөй диалог, тажрыйба алмашуу жана кызматташуу.Форумдун катышуучуларына Россия Федерациясынын илим жана жогорку билим берүү министринин орун басары Константин Могилевский куттуктоо сөзүн жолдоду.«Россия менен Кыргызстандын жалпы тарыхы жана маданий жакындыгы бар. Бүгүнкү күндө биз билим берүү жана илимий алмашууларды активдүү өнүктүрөбүз, биргелешкен программаларды киргизип жатабыз жана Кыргыз-Орус Славян университети бул кызматташтыктын негизги звенолорунун бири болуп саналат».Биринчи окуу күнү башталды. Бүгүн катышуучуларга кибермейкиндиктеги коопсуздук жана маалыматтык күн тартибиндеги заманбап тенденциялар боюнча лекциялар, университеттин медиа брендин өнүктүрүү боюнча мастер-класс, ошондой эле өз долбоорлорунун үстүндө командалык иштин башталышы сунушталат.Катышуучуларга жемиштүү иш, жаңы профессионалдык таанышуулар жана жаркын идеяларды каалайбыз!
