Патриарх Кирилл – КРСУнун ардактуу доктору
Москва жана Бүткүл Рус патриархы Кирилл Кыргыз Республикасына болгон иш сапарынын алкагында Б.Н.Ельцин атындагы Кыргыз-Орус Славян университетинде (КРСУ) болду.
КРСУнун ректору, академик В.И.Нифадьев КРСУнун Окумуштуулар кеңешинин Ардактуу доктор наамын ыйгаруу чечимин окуп, Орус православ чиркөөсүнүн приматына халат, калпак жана диплом тапшырды. Епископ өз кезегинде университетке өзүнүн эмгектеринин коллекциясын жана Ыйык Николайдын иконасын тартуулады.
«Балдар дин жана анын коомдогу ролу жөнүндө билиши керек деп эсептейбиз», – сыйлык тапшыруу аземинин алдында Кыргыз Республикасынын Билим берүү жана илим министри Г.К.Кудайбердиева билдирди. Ошол эле учурда ал Кыргызстанда билим берүү светтик мүнөзгө ээ экенин баса белгиледи. Министр ошондой эле Патриархтын «Эркиндик жана Жоопкерчилик » китебинин кыргыз тилине которулушу республиканын маданий турмушундагы маанилүү окуя экенин айтты.
«Эркиндик адамдын табиятында онтологиялык жактан бар. Эркиндиксиз адам болбойт. Ал эми адамдын эркиндигин чектөө адамда нааразычылык, ал тургай кайгы сезимин алып келет. Кудай адамдын табиятына эркиндикке болгон каалоону салган. Бирок ага абийир сезимин да салды. Белгилүү болгондой, юриспруденциянын бардык мыйзамдары адеп-ахлак түшүнүгүнө карата экинчи орунда турат», – Орус православ чиркөөсүнүн приматы билдирди.
Патриарх Кирилл 27-майда Кыргызстанга башкы ыйык иш сапары менен келди. Бул иш сапарынын алкагында ал Бишкектин Тирилүү соборун жана Ыйык князь Владимир соборунун алдындагы православдык гимназиянын курулуш аянтындагы ташты ыйыктады, ошондой эле Кыргыз Республикасынын Президенти А.Атамбаев, Премьер-министр С.Жээнбеков жана республиканын муфтийи М.Токтомушев.
Ал кишинин айтымында, Кыргыз Республикасында диний негизде азчылыкты басмырлоо жок жана «православдар бул жерде өздөрүн экинчи сорттогу жарандардай сезишпейт». «Биз билебиз, дүйнөдө чындап эле диний чыр-чатактар чыгып, улуттук биримдик бузулуп жатат. Ошондуктан, Кыргызстанда болгондун баарын баалашыбыз керек», ― Орус православ чиркөөсүнүн приматы баса белгиледи.
«Эч ким динди жаман максатта колдонбошу үчүн көп иштерди жасап жатасыңар. Ошондуктан, мен сиздерге ыраазычылыгымды билдирип, православ христиандары Кыргызстандын жеринде тынчтык сакталышы үчүн жана биздин эки жамаатты эч ким бири-бирине каршы коё албашы үчүн иштөөгө даяр экенин айткым келет», – Патриарх жыйынтыктады.
