КРСУнун өкүлдөрү Кыргызстандагы маанилүү дарылардын улуттук тизмесин талкуулоого катышты
Бишкекте Кыргыз Республикасынын Министрлер Кабинетинин «2026–2028-жылдарга маанилүү дары-дармек каражаттарынын улуттук тизмесин бекитүү жөнүндө токтомунун долбоорун талкуулоо боюнча тегерек стол болуп өттү. Иш-чара Кыргыз Республикасынын Саламаттык сактоо министрлигинин колдоосу астында өлкөнүн мамлекеттик органдарынын, эл аралык уюмдардын, эксперттик коомчулуктун жана медициналык университеттердин өкүлдөрүнүн катышуусунда өттү.Иш-чарага Кыргыз-Орус Славян университетинин атынан медицина факультетинин деканы Саамай Абилова катышты.Улуттук тизменин долбоорун даярдоодо КРСУнун негизги жана клиникалык фармакология кафедрасынын кызматкерлери өзгөчө роль ойношкон. Кыргыз Республикасынын Саламаттык сактоо министрлигинин башкы штаттан тышкаркы клиникалык фармакологу, КРСУнун негизги жана клиникалык фармакология кафедрасынын башчысы, профессор Аида Зурдинова катышуучуларга тизмени түзүүнүн принциптери жана методологиясы, дары-дармектерди тандоо критерийлери, ошондой эле Дүйнөлүк саламаттыкты сактоо уюмунун далилдик базасын, клиникалык колдонмолорун жана сунуштарын колдонуу.Улуттук тизмеге дары-дармектерди тандоо боюнча эксперттик ишке КРСУнун негизги жана клиникалык фармакология кафедрасынын доценти, медицина илимдеринин кандидаты Айнура Шараева да катышты.Талкуунун жүрүшүндө калкты турмуштук маанилүү дары-дармектер менен камсыз кылуу, тизмени түзүү процессинин ачык-айкындуулугун жана илимий негиздүүлүгүн жогорулатуу, ошондой эле өлкөнү дары-дармек менен камсыздоо системасын өркүндөтүү маселелери талкууланды.Катышуучулар мамлекеттик дары-дармек менен камсыздоо программалары үчүн негиз боло турган, клиникалык протоколдорду иштеп чыгуу жана дары-дармектерди сатып алууну уюштуруу үчүн маанилүү дары-дармектердин жаңыланган Улуттук тизмесин бекитүү зарылдыгын колдошту.Улуттук тизмени иштеп чыгууга жана эксперттик колдоого КРСУ өкүлдөрүнүн катышуусу университеттин клиникалык фармакология жана саламаттыкты сактоо тармагындагы кесиптик жана илимий экспертизасынын жогорку деңгээлин тастыктайт.
