КРСУнун өкүлдөрүнө Россия Федерациясынын илим жана жогорку билим берүү министринин орун басары Денис Секиринскийдин атынан ыраазычылык каттары тапшырылды
Кыргыз-Россия Славян университетинин илимий иштер боюнча проректору Иван Колпаков менен КРСУнун аппарат жетекчиси Владимир Алешкинге Россия Федерациясынын илим жана жогорку билим министринин орун басары Денис Секиринскийдин атынан ыраазычылык каттары тапшырылды.
Сыйлыктар көп жылдык ак ниет эмгеги, жогорку кесипкөйлүгү жана университеттин илимий ишмердүүлүгүн жана билим берүү демилгелерин өнүктүрүүгө кошкон зор салымы үчүн ыйгарылды. КРСУнун өкүлдөрү бул сый-урмат үчүн ыраазычылык билдирип, мындан ары да университеттин жана анын студенттеринин жыргалчылыгы үчүн жигердүү иш алып барарын баса белгилешти.
