КРСУну өнүктүрүү орус-кыргыз кызматташтыгынын артыкчылыктуу багыттарынын катарына кирет
Федерация кеңешинин төрагасы Валентина Матвиенко Жогорку Кеңештин төрагасы Марлен Маматалиев менен жолугушту.Тараптар орус-кыргыз мамилелеринин оң динамикасын ырастап, парламенттер аралык өз ара аракеттенүүнү мындан ары да бекемдөөгө даяр экендиктерин билдиришти. Валентина Матвиенконун айтымында, мамлекет башчыларынын деңгээлинде кызматташтыкты кеңейтүү үчүн толук колдоо бар жана парламенттик линиядагы интенсивдүү байланыштар тараптардын стратегиялык жана союздаштык өнөктөштүктү өнүктүрүүгө умтулуусун көрсөтүп турат.Жолугушууда өзгөчө көңүл Кыргыз-Орус Славян университетинин билим берүү тармагына жана өнүгүүсүнө бурулду. Федерация Кеңешинин Төрагасы белгилегендей, билим берүү инфраструктурасын чыңдоого жана адистерди даярдоо мүмкүнчүлүктөрүн кеңейтүүгө багытталган стратегиялык долбоор катары каралып жаткан университеттин жаңы кампусун куруу күн тартибинде калууда.Ошондой эле эки өлкөнүн билим берүү жана илимий процесстеринин интеграциясын камсыз кылуучу орус-кыргыз гуманитардык кызматташтыгынын негизги платформасы катары КРСУнун ролу белгиленди.
