КРСУнун студенттери Кыргызстандын Улуттук банкынын нумизматикалык музейинде болушту
Кыргыз-Россия Славян университетинин студенттери Кыргыз Республикасынын Улуттук банкынын нумизматикалык музейинде билим берүү экскурсиясына катышты. Иш-чара жаштардын финансылык сабаттуулугун жогорулатуу боюнча тарбиялык иштердин алкагында өткөрүлдү.Экскурсиянын катышуучулары «Финансы жана Кредит» багыты боюнча КРСУнун 1-курсунун студенттери, ошондой эле башка ЖОЖдордун студенттери болушту.Экскурсиянын жүрүшүндө катышуучулар байыркы монеталардын уникалдуу коллекциясы менен таанышып, ошондой эле акыркы 30 жыл ичинде улуттук валюта — кыргыз сомунун калыптануу тарыхына көз салышты. Көргөзмө нумизматикалык мурастын сейрек үлгүлөрүн көрүүгө жана алардын тарыхый жана маданий баалуулугу менен таанышууга мүмкүндүк берди.Улуттук валютанын символикасына өзгөчө көңүл бурулду. Гиддер кыргыз сомунун банкнотторунда тартылган көрүнүктүү инсандар жана алардын өлкөнүн өнүгүшүнө кошкон салымы тууралуу айтып беришти.Жыйындын практикалык бөлүгү финансылык сабаттуулук жана коопсуздук маселелерине арналды. Катышуучуларга алдамчылык менен байланышкан заманбап тобокелдиктер, анын ичинде дропперлик феномени жана анын кесепеттери түшүндүрүлдү.Экскурсиянын аягында КРСУнун студенттери алган билимдерин иш жүзүндө колдонууга мүмкүнчүлүк алышты: алар «Tunduc» мамлекеттик тиркемеси аркылуу насыя берүүгө өз алдынча тыюу салууну жеринде катташты.Улуттук банк мындай экскурсиялар үзгүлтүксүз өткөрүлүп, жаштар арасында жеке каржыга жоопкерчиликтүү мамилени калыптандырууга жана финансылык маданияттын деңгээлин жогорулатууга багытталганын белгилейт.
