«Баңгизатсыз эркин жашоо —!»: КРСУ колледжинде профилактикалык иш-чара
КРСУ колледжинде Кыргыз Республикасынын Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматы тарабынан уюштурулган «Баңгизатсыз жашоо —!» урааны астында профилактикалык иш-чара өткөрүлдү.
Ички иштер министрлигинин кызматкерлери лекцияларды окуп, анда баңги заттарды колдонуунун оор кесепеттери, аларды сактоо жана таратуу үчүн юридикалык жоопкерчилик, ошондой эле сергек жашоо образын аң-сезимдүү тандоонун жана сактоонун маанилүүлүгүн баса белгилешти.
Студенттер арасында кинологдордун үйрөтүлгөн иттер менен демонстрацияга чыгышы өзгөчө кызыгууну жаратты. Кызматтык жаныбарлар тыюу салынган заттарды табуу көндүмдөрүн жана шарттуу кылмышкерди кармоонун элементтерин көрсөтүштү. Бул таасирдүү демонстрациялар кылмыштуулукка каршы күрөштүн реалдуу шарттарда кандай жүргүзүлүп жатканын ачык көрсөттү.
КРСУ жаштардын ден соолугун жана коопсуздугун чыңдоого багытталган демилгелерди активдүү колдойт. Мындай иш-чаралар жашоого аң-сезимдүү мамилени калыптандырууга жардам берет жана социалдык чакырыктарга каршы күрөшүүдө биргелешип иштөөнүн маанилүүлүгүн көрсөтөт.
КРСУ — жаштардын дени сак жана жаркын келечеги учун!
