КРСУ колледжи Мамлекеттик тил күнүн белгиледи
КРСУ колледжинде Мамлекеттик тил күнүнө арналган салтанаттуу иш-чара болуп өттү. Майрам мамлекеттик тилди өнүктүрүүгө, маданий-адептик баалуулуктарды жайылтууга, ошондой эле кыргыз элинин үрп-адаттарын жана каада-салттарын сактоого багытталган.
Мугалимдер 2-курстун студенттери менен биргеликте интеллектуалдык жана чыгармачылык сынактарды камтыган майрамдык программа уюштурушту. Иш-чаранын жүрүшүндө эки студенттик команда интерактивдүү оюнда күч сынашып, кыргыз тили, адабияты, макал-лакаптары жана накыл сөздөрү боюнча терең билимдерин көрсөтүштү.
Майрамдын коноктору студенттердин спектаклдеринен да ырахат ала алышты: «Манас» эпосунан үзүндүлөр, комузда виртуоздук аткаруу, ошондой эле кеченин чыныгы жасалгасына айланган музыкалык номерлер аткарылды. Иш-чара жаркын таасирлерди калтырып, жаштар арасында эне тилин сактоонун жана өнүктүрүүнүн маанилүүлүгүн көрсөттү.
