КРСУ орусиялык маалымат каражаттары менен кызматташуу пландарын талкуулады
Кыргыз-Орус Славян университетинде ректордун милдетин аткаруучу Сергей Волков менен Орусиянын алдыңкы маалымат агенттиктеринин – ТАСС, Интерфакс жана РИА Новости өкүлдөрүнүн жолугушуусу болду.
Жолугушуунун жүрүшүндө кызматташуунун келечеги, университеттин долбоорлорун маалыматтык камсыздоо, ошондой эле Россия менен Кыргызстандын ортосундагы маданияттар жана билим берүү байланыштарын чыңдоо маселелери талкууланды. ЖМК өкүлдөрү КРСУга анын ишмердүүлүгүн чагылдырууда жана билим берүү демилгелерин жайылтууда ар тараптуу колдоо көрсөтүүгө даяр экендиктерин билдиришти.
Сергей Волков университетти өнүктүрүү пландары, анын ичинде негизги жетишкендиктери тууралуу айтып берди. Жолугушуунун негизги темаларынын бири университеттин жаңы кампусунун курулушу болду. Ректордун милдетин аткаруучу учурда курулуш үчүн жер тилкесин тандоо иштери жүрүп жатканын, бул заманбап билим берүү инфраструктурасын түзүүдө маанилүү кадам болорун белгиледи.
"Биз студенттер менен мугалимдердин потенциалын максималдуу жогорулатууга мүмкүндүк берүүчү шарттарды түзүүгө умтулабыз жана бул максаттарга жетүү үчүн россиялык өнөктөштөрүбүз менен биргелешип иштөөгө даярбыз", - деп баса белгиледи – Сергей Волков
