Ош шаарында гүл коюу аземи болуп өттү: КРСУнун ректору катышты
Кыргыз-Орус Славян университетинин ректору Сергей Волков россиялык делегациянын курамында Ош шаарында Улуу Ата Мекендик согушта курман болгон жоокерлердин мемориалдык комплексине гүл коюу аземине катышты.
Салтанат Россия Федерациясынын Президентинин чет өлкөлөр менен аймактар аралык жана маданий байланыштар бөлүмүнүн башчысы Игорь Маслов жетектеген орусиялык делегациянын иш сапарынын алкагында өттү. Катышуучулардын арасында Федерация Кеңешинин Илим, билим жана маданият боюнча комитетинин төрагасы Лилия Гумерова, Россия Федерациясынын Мамлекеттик Думасынын депутаты Николай Валуев, Кыргызстандын мамлекеттик органдарынын өкүлдөрү, Жогорку Кеңештин депутаттары, студенттер жана шаар тургундары.
Гүл коюу эркиндик жана тынчтык келечек үчүн жанын берген советтик жоокерлердин эрдигине терең ыраазычылыктын жана урматтоонун белгиси болуп калды. Катышуучулар тарыхый эстутумду сактоонун маанилүүлүгүн жана анын жаштарды тарбиялоодогу, ошондой эле Россия менен Кыргызстандын ортосундагы гуманитардык байланыштарды чыңдоодогу ролун баса белгилешти.
