КРСУ Мамлекеттик салык кызматына кызматкерлерди даярдайт
Кыргыз Республикасынын Мамлекеттик салык кызматы менен Кыргыз-Россия Славян университети кызматташуу боюнча меморандум түзүштү. Документке Мамлекеттик салык кызматынын төрагасы Алмамбет Шыкмаматов жана КРСУнун ректору Сергей Волков кол коюшту.
Меморандум кадрдык потенциалды өнүктүрүүгө, студенттерди практикалык даярдоону уюштурууга, салык кызматкерлеринин кесиптик квалификациясын жогорулатууга, ошондой эле илимий жана билим берүү долбоорлору жаатында өз ара аракеттенүүнү кеңейтүүгө багытталган.
