Марат Шамсутдинов «Кыргыз Республикасынын эмгек сиңирген ойлоп табуучусу » наамына ээ болгон
Бишкек (АКИПресс) – Президент Садыр Жапаров Кыргызстандын Эгемендүүлүк күнүнүн урматына бир катар жарандарга мамлекеттик сыйлыктарды берүү тууралуу жарлыкка кол койду.
Алар Кыргыз Республикасынын социалдык-экономикалык, интеллектуалдык жана маданий потенциалын өнүктүрүүгө кошкон зор салымы, кесиптик ишмердүүлүгүндөгү зор жетишкендиктери үчүн сыйланышты.
«Кыргыз Республикасынын эмгек сиңирген ойлоп табуучусу » ардактуу наамы Б.Ельцин атындагы Кыргыз-Россия Славян университетинин тоо-кен өндүрүшүнүн физикалык процесстери кафедрасынын башчысы Марат Мубарякшаевич Шамсутдиновго ыйгарылды.
2023-жылы ал бул наамды алган жалгыз адам.
