Minecraft кыргызча — тилине которулган, демилгечи студент Атай Азаматов болгон
Популярдуу Minecraft видео оюнунун кыргыз тилине котормосу дүйнө жүзүндөгү колдонуучуларга жеткиликтүү болуп калды. Долбоордун демилгечиси КРСУнун 3-курсунун студенти Атай Азаматов экенин университеттин басма сөз кызматы билдирди.
«Мен мектепте окуп жүргөндө эле оюндун уюштуруучулары менен байланышууга аракет кылгам, бирок өткөн жылдын май айында гана ишке ашты. Котормосун ошол эле мезгилде баштадым. Бул өлкө үчүн жана мамлекеттик тилдин өнүгүшү үчүн абдан маанилүү окуя», — деди Атай Азаматов.
