Билим берүү тармагындагы инновациялык чечимдердин кыргыз-орус жарманкеси ачылды
Ысык-Көлдө билим берүү тармагындагы инновациялык чечимдердин кыргыз-орус жарманкеси ачылды. Ага 600дөн ашык катышуучу жана Кыргызстан менен Россиянын 20дан ашык алдыңкы университеттери катышууда. Бул тууралуу КРСУ билдирди.
Кыргызстандын вице-премьер-министри Эдил Байсалов өз сөзүндө жогорку билим берүү тармагындагы кызматташуу жаңы деңгээлге чыгышы керектигин белгилеп, Кыргызстан менен Россиянын ортосунда өз ара тажрыйба жана билим алмашуунун маанилүүлүгүн белгиледи.
Иш-чара Кыргызстан менен Россиянын элдеринин биримдигин жана достугун билдирген боз үйдү биргелешип орнотуу менен башталды. Салтанатка кыргызстандык да, орусиялык да жарманкенин катышуучулары катышып, кызматташуу жана өз ара түшүнүшүү духун көрсөтүштү.
