Кыргызстанда Иван Панфиловдун эстелигин калыбына келтирүү иштери башталды
Бишкек, 24.03.25. /кабар/. Панфилов атындагы айылда 316-аткычтар дивизиясынын легендарлуу командири Иван Панфиловдун эстелигин калыбына келтирүү иштери башталды. Эстелик көп жылдар бою канааттандырарлык эмес абалда болгон. Бул тууралуу Кыргыз-Орус Славян университети Фейсбук баракчасында билдирди.
Реконструкциялоонун демилгечиси Кыргыз-Орус Славян университетинин (КРСУ) ректорунун милдетин аткаруучу Сергей Волков болгон. Долбоордун масштабын жана олуттуу каржылык салымдардын зарылдыгын түшүнгөн уюштуруучулар колдоо сурап меценаттарга кайрылышкан.
