КРСУ Кыргызстандын баскетбол боюнча курама командасынын Шри-Ланка менен беттешин көрсөтөт
Кыргыз-Орус Славян университети Кыргызстандын баскетбол боюнча курама командасынын Шри-Ланка командасы менен беттешүүсүн түз көрсөтүүнү уюштурууда. Жолугушуу бүгүн саат 16:00дө башталат.
Беттеш Алматыда баскетбол боюнча Азия кубогунун алдын ала квалификациясынын биринчи айлампасында өтөт.
Мелдеш 26-августтан 31-августка чейин Балуан Шолак атындагы спорт сарайында өтүүдө. Турнирге Казакстан, Кыргызстан, Палестина, Шри-Ланка жана Мальдив аралдарынын командалары катышууда.
Кыргызстан - Шри-Ланка беттешинин түз эфири КРСУнун башкы корпусунун китепканасында уюштурулууда. Көрүүгө студенттер, мугалимдер, университеттин кызматкерлери жана улуттук курама команданы колдоону каалагандардын баары кошула алышат.
Беттешти YouTube'дан да көрүүгө болот.
КРСУ күйөрмандарды жолугушууда Кыргызстандын курама командасын колдоого, ал эми онлайн трансляциянын көрүүчүлөрүн реакция жана комментарийлер менен команданы колдоого чакырды.
Беттеш 28-августта саат 16:00дө башталат.
